مجھے اپنے بڑوں پر اعتماد ہے! آئیں ہم اعتماد کی سند دیکھتے ہیں اور اعتماد کے حوالے تلاش کرتے ہیں۔

جائز محبت میں تڑپادینے کیلئےاصحاب کہف کے ناموں کی برکات
سالہاسال سے تسبیح خانہ لاہور میں اصحاب کہف کے ناموں کے اثرات اور برکات بیان کیے جارہے ہیں یہ تسبیح خانہ کے خو دساختہ نہیں بلکہ صدیوں سے اکابرین امت ؒنے ان کے فوائد اور کمالات کو تسلیم کیا ہے ذیل میں چند حوالہ جات پیش کیے جاتے ہیں جس سے آپ کو اندازہ ہوگا کہ تسبیح خانہ اعمال بناتانہیں بلکہ اعمال بتاتا ہے :
اصحاب کہف کے نام بہت مجرب ہیں :شیخ ابوالعباس احمد علی بونی رحمہ اللہ 520 ہجری میں الجزائر کے شہر بونہ (اب عنابہ) میں پیدا ہوئے اور 622 ہجری کو وفات پائی، انہوں نے تونس میں قرآنِ مجید تمام قراتوں کے ساتھ پڑھا، کئی علوم پر دسترس تھی،انھوں نے کوئی چالیس سے زائد کتابیں لکھی ہیں وہ فرماتے ہیں کہ کہ اصحاب کہف کے نام کے اثرات بہت ہی مجرب ہیں ۔(کتاب شمس المعارف،مصنف:شیخ ابوالعباس احمد علی بونی ؒ،ناشر:دارالاشاعت کراچی)
جائز محبت میں تڑپا دینے کیلئے اصحاب کہف کا نقش:دوستوں، بھائیوں، عزیزوں، بہن بھائیوں، میاں بیوی، والدین اور اولاد، ملازم مالک، افسران اور ماتحت غرض ان تمام افراد کے درمیان محبت کیلئے اسمائے اصحاب کہف بے نظیر نقش محبت ہے، اصحاب کہف کے نام سات بار پڑھ کرے شربت چائےیا کسی میٹھی چیز پر دم کرکے مطلوب کو کھلائیں بہت جلدی تاثیر کا عمل ہے ۔ (شمع شبستان رضا صفحہ450حصہ 4، مصنف:، ناشر:قادری رضوی کتب خانہ لاہور)

اصحاب کہف کے چونکادینے والے فائدے:
(1) اگر اصحاب کہف کے ناموں کو لکھ کر کتاب میں رکھےتو دیمک سے حفاظت رہے گی مجرب عمل ہے۔
(2)بانس کی پونگی میں لکھ کر کھیت میں دفن کرے انشاء اللہ تعالیٰ خوب فصل ہوگی۔
(3)نارمل ڈیلیوری کیلئے اگر حاملہ کی داہنی ران پر باندھیں تو ولادت میں سہولت ہوگی۔
(4) اگر سینہ پر باندھیں تو بچہ پیدا نہیں ہوگا جب تک کےنقش کھو ل نہ لیا جائے۔ (مجموعہ اعمال رضا صفحہ 111، ترتیب قاضی محمد عبدالرحیم بستوی رحمہ اللہ، ناشر: قادری رضوی کتب خانہ لاہور)
محبوب کو تڑپا دینے کیلئے اصحاب کہف کا کمال: عامل کامل مولانا محمد زوار خان صاحب فرماتے ہیں کہ جو شخص یہ چاہے کہ کسی شخص کو اپنی طرف رجوع کروں (مقصد جائز ہو) تو اصحاب کہف کے نام لکھے اور نیچے آخیر میں الحب فلاں بن فلاں علی حب فلاں بن فلاں لکھے اور مطلوب کے دائیں بازو پر باندھے۔ (نافع الخلائق صفحہ 220، مصنف: مولانا محمد زوار خان صاحب، ناشر: دارالاشاعت کراچی)
(دیگر حوالہ جات: آسان عملیات و تعویذات، صفحہ نمبر 59+159، اعجاز احمد خاں سنگھانویؒ،کتب خانہ انور شاہ کراچی۔ شرح حزب البحر، صفحہ نمبر 167، تالیف مولانا محمد ابوبکر صاحب، ناشر:مکتبہ قاسمیہ ملتان )
(تسبیح خانہ کے منبر سے بتایا گیا ایک ایک وظیفہ اور عمل باحوالہ اور مستند ہے )

کیا شیخ الوظائف کے وظائف کی کوئی سند ہے؟جاننے کیلئےاکابر پر اعتماد فیس بک پیج وزٹ کریں؟facebook.com/akabirparaitmad